Ndoqi traditën e kryetarit të parë të LDK-së, Ibrahim Rugova.
E nga aty, kryetari i partisë më të vjetër në Kosovë, Lumir Abdixhiku u nis për tek Salla e Sportit në Pallatin e Rinisë.
Kjo pasi që kjo parti po fillonte punimet e Kuvendit të Dhjetë Zgjedhor.
333 delegatë të pranishëm në sallë do të votonin për kryetarin e tyre të ri, për një mandat të plotë 4 vjeçar.
E Abdixhikun po e sfidonte kandidati tjetër për kryetar, Faton Bislimi.
Mirëpo gjatë procesit të punimeve, këtij të fundit nuk iu dha e drejta e fjalës. (PAMJE)
Madje këtij, nuk iu aprovua as kandidatura për kryetar të LDK-së.
Ndërsa vetëm pas kësaj, Abdixhiku në foltoren e Pallatit të Rinisë shpalosi punën e bërë për rreth dy vjet e gjysmë.
Kështu, me vota unanime të delegatëve, Lumir Abdixhiku kandidat i vetëm për kryetar, u zgjodh sërish për ta udhëhequr Lidhjen Demokratike të Kosovës
Pas rizgjedhjes, Abdixhiku tha se do të ushtroj këtë detyrë me zhvillimin rugoviste.
Mirëpo i pakënaqur mbeti kundërkandidati i tij, Faton Bislimi.
Ai theksoi se vendimi ndaj tij ishte anti-statutor.
“Vendimi i sotëm për të mos lejuar kandidaturën është anti-statutar, sipas tij, sipas tij, thotë se kjo është ajo që pamundëson vazhdimin e punës sime për të mirën e LDK-së dhe të gjithë të Kosovës”, tha Bislimi.
Lumir Abdixhiku ishte zgjedhur kryetar i LDK-së edhe në mars të vitit 2021, pas zgjedhjeve të jashtëzakonshme të kësaj partie, të cilat kishin ardhur pas dorëheqjes së Isa Mustafës – si marrje e përgjegjësisë për rezultatin në zgjedhjet parlamentare të 14 shkurtit.
