12 minatorë të Trepçës janë lënduar pasi të njëjtëve iu ka rënë acidi sulfurik në trup.
Kështu ka bërë të ditur për teve1.info nënkryetari i Sindikatës së minatorëve të Trepçës, Destan Kërleshi, i cili tha se të njëjtit janë dërguar në Spitalin e Mitrovicës për trajtim.
Siç tha ai tre nga minatorët kanë lëndime më të rënda në pjesë të trupit.
“Janë dërguar në Spitalin e Mitrovicës, pasi iu ka rënë acidi në trup duke punuar. Tre nga ta janë në gjendje më të rëndë nga informacionet që kamë”, ka deklaruar ai.
Ndryshe, teve1.info ka kontaktuar edhe me zëdhënësen e këtij spitali, Nitë Mustafa e cila ka thënë se tani nuk mund të jap detaje.
