I dërguari i posaçëm i Bashkimit Evropian për dialogun Kosovë- Serbi, Miroslav Lajçak, e ka vlerësuar të dobishëm, takimin me kryenegocicatorët nga Kosova, Besnik Bislimi dhe atë nga Serbia, Petar Petkoviç.
Lajçak përmes një postimi në X, ka thënë se u diskutua për të bërë përparim në disa çështje në agjendën e dialogut.
Në Bruksel, të mërkurën nuk pati takim trepalësh.
Pas takimi zëvendëskryeministri i Kosovës, Besnik Bislimi, tha se nuk është diskutuar për Asociacionin, ndërsa përsëriti qëndrimin e kryeministrit Kurti, se nënshkrimi i marrëveshjes është hapi i duhur për zbatimin.
Ndërsa, Petkoviç ka thënë se me Lajçakun ka biseduar për statutin e Asociacionit dhe ka paralajmëruar se bisedimet do të vazhdojnë.
