Ai ka thënë se kjo është dëshmuar me gatishmërinë për takime dhe me propozime konkrete.
“Përmes gatishmërisë për takime dhe marrëveshje dhe propozimeve konkrete që japim Republika e Kosovës është treguar që është palë konstruktive dhe kreative në dialog”, ka thënë Kurti në konferencën e përbashkët me të dërguarin e SHBA-së për Ballkanin Perëndimor, Gabriel Escobar.
Ai tha se Kosova është e përkushtuar për arritjen e një marrëveshje ligjërisht të obligueshme dhe normalizim të plotë të marrëdhënieve me Serbinë me njohje reciproke.
“Jemi të gatshëm dhe të përkushtuar për arritjen e një marrëveshje ligjërisht të obligueshme për normalizim të plotë të marrëdhënieve me njohjen reciproke në qendër. E mirëpresim gjithmonë interesimin dhe angazhimin e SHBA-së në këtë proces”, tha Kurti.
Ai tha se Kosova dhe SHBA janë aleatë në vlera.
Kurti deklaroi se në takim u diskutuar edhe për raportet ndërmjet dy vendeve, ballafaqimin me krizën energjetike e tema tjera./teve1.info/
