Kryeministrik Albin kurti ka thënë se pavarësisht premtimeve të bashkësisë ndërkombëtare që Serbia pas zgjedhjeve të 3 prillit do të drejtohet nga Perëndimi, një gjë e tillë nuk ka ndodhur.
Kurti në një intervistë për The Geopost ka thënë se pritjet e Perëndimit ndaj Serbisë nuk janë realizuar.
“E mbaj mend shumë mirë muajin mars të vitit të kaluar kur neve në Kosovë na thoshin, ju lutem, mbase kursejeni Serbinë, Beogradin, presidentin nga retorika e kritikës së ashpër, për shkak se pas datës 3 Prill, kur do të mbahen zgjedhjet e Serbisë ata do ta ndryshojnë orientimin dhe do të jenë tërësisht të drejtuar kah perëndimi. Nuk ndodhi, pra duhet t’i nxjerrim disa mësime, pritjet që kanë ekzistuar ndaj presidentit aktual nga ana e perëndimit nuk janë realizuar, kujt ia kishte marrë mendja kur ka ndodhur invazioni ushtarak i Rusisë në Ukrainë që bëhen 1 vit e 4 muaj edhe ende Serbia mbetet shteti i vetëm në Evropë që nuk i vendos sanksione Rusisë, përkundrazi, në vitin e kaluar, ata në shtator në margjinat e samitit të Kombeve të Bashkuara, ministri i Punëve të jashtme të Serbisë, Selakoviq asokohe, dhe ai i Rusisë Lavrov bëjnë marrëveshje për koordinim në politikën e jashtme”, ka thënë Kurti.
Duke folur për protestat e fundit në veri, Kurti ka thënë se ato nuk kanë qenë aspak paqësore, pasi që ka pasur thirrje “Vrite, vrite”.
Sipas Kurtit, janë tri kategori të personave që kanë marrë pjesë në këto protesta.
“Kategoria e parë janë mbrojtja civile e ku hyjnë edhe policët nga Serbia, elementët e xhandarmerisë të Rusisë, që janë adhurues të Rusisë e kështu me radhë. Kategoria e dytë janë punëtorët e administratës publike që e kanë të detyruar të dalin në të ashtuquajturat protesta sepse përndryshe humbin vendin e punës. Kategoria e tretë janë punëtorët në kompanitë private të disa prej kontrabandistëve, kriminelëve kryesorë si Milan Radojçiq dhe Zvonko Veselinoviq, të cilët detyrohen të shkojnë në sheshin para komunës e të jenë të dhunshëm ndërkaq te vend ii tyre i punës në kompani private të këtyre kriminelëve multimilionerë iu shkruan se kanë marrë ditë pushimi”, ka deklaruar kryeministri.
Tutje Kurti ka shtuar se po mblidhen të dhëna nëse grupet si “Ëagner” apo “Ujqit e natës” kanë pasur ndikim në protestat e fundit.
“Nëse ata duan të shkaktojnë probleme ne duhet t’i rezistojmë tendencës së tyre, mirëpo edhe me kushtin e nënshtrimit tonë. Në këtë aspekt pa dyshim që edhe Ujqit e natës edhe Ëagnerët kanë qenë në rajonin e Ballkanit, janë në Serbi dhe ne kemi të dhëna se kanë qenë gjatë muajit dhjetor në veri të Kosovës e tash po i mbledhim edhe të dhënat për ndikimin e tyre eventual në sulmet e 26 dhe 29 majit kundër policisë sonë, ushtarëve të NATO-s dhe gazetarëve”.
