Kurti pas lirimit të policëve: Agresioni serb duhet të mbajë përgjegjësi.
Kryeministri i Kosovës, Albin Kurti ka thënë se Serbia duhet të mbajë përgjegjësi për kidnapimin e tre policëve kosovarë më 14 qershor, brenda territorit të Kosovës.
ADVERTISEMENT
Ai përmes një postimi në Twitter ka thënë se edhe pse të gëzuar që policët do të kthehen tek familjet e tyre, rrëmbimi ishte shkelje e rëndë e të njeriut dhe duhet qortuar.
“Konfirmojmë se 3 policët e rrëmbyer janë liruar. Edhe pse jemi të gëzuar që ata kthehen në familjet e tyre, ky rrëmbim konsiston në një shkelje të rëndë të të drejtave të njeriut dhe duhet qortuar. Agresioni serb duhet të mbajë përgjegjësi”, ka shkruar Kurti në Twitter.
