Kryeministri i Kosovës, Albin Kurti ka thënë se janë krenarë që Kosova ka shënuar përparim për 22 vende sa i përket lirisë së medieve në këto dy vjetët e fundit.
Kurti me rastin e Ditës Botërore të Lirisë së Shtypit, ka thënë se një shtyp i lirë dhe i pavarur mbetët shtyllë e demokracisë dhe e vendit tonë.
“Në Ditën Botërore të Lirisë së Shtypit, ne jemi krenarë të njoftojmë se sipas Reporterëve pa Kufi , Kosova përmirësoi pozicionin e saj me 22 vende në 2 vjet për mjedisin e saj gazetaresk. Një shtyp i lirë dhe i pavarur do të mbetet gjithmonë një shtyllë e rëndësishme e demokracisë dhe e vendit tonë”, ka shkruar Kurti në Twitter.
Organizata Gazetarët Pa Kufij i radhiti Kosovën dhe Shqipërinë në mesin e vendeve problematike. Megjithatë, sipas indeksit që u publikua të mërkurën, të dyja vendet kanë shënuar rritje në krahasim me një vit më parë.
Asociacioni i Gazetarëve të Kosovës ka kërkuar nga sistemi i drejtësisë që rastet e dhunës ndaj gazetarëve t’i trajtoj me seriozitet.
On World Press Freedom Day we're proud to announce that according to Reporters without Borders (@RSF) 🇽🇰 improved its standing by 22 places in 2 years for its journalistic environment. A free & independent press will always remain an important pillar of democracy & our country. pic.twitter.com/FJUGZjq5sA
— Albin Kurti (@albinkurti) May 3, 2023
