Me duartrokitje u prit në sallën e amfiteatrit ne Fakultetin Juridik.
Kryeministri Kurti mori pjesë në tubimin e Partisë për Veprim Demokratik në kuadër të fushatës për zgjedhjet e 2 qershorit.
Ai iu bashkua dy kandidatëve për kryetar të Preshevës, Ardita Sinanit dhe atij të Bujanocit, Ragmi Mustafit.
Pjesë e tubimit ishte edhe deputeti shqiptar në Kuvendin e Serbisë, Shaip Kamberi.
Kandidatja për kryetare të Preshevës tha se pret votën e bashkëqytetarëve, për shkak se deri më tash kanë qenë komunë e izoluar.
Derisa Ragmi Mustafi u shpreh i habitur se si po u pengon të tjerëve mbështetja e Kurtit.
Kryeministri Albin Kurti tha se zgjedhjet në Luginë janë mundësi unike për shqiptarët. U përgjigj edhe për akuzat për përfshirje të tij në zgjedhjet e Luginës.
“Lugina është simbol i shpresës dhe qëndresës, bart një trashëgimi të pasur kulturore, por edhe një potencial të madh zhvillimor. Vazhdon të jetë një ndër zonat më të ndjeshme, kemi parë shumë sfida qe ka kaluar Lugina, diskriminimi i vazhdueshëm, mungesa e qasjes në dokumente janë vetëm disa nga problemet që ballafaqohen shqiptarët. Qeveria ka punuar pa ndalur për të ofruar mbështetje sociale e ekonomike. Kemi investuar dhe do të vijojnë të investojnë për të ndihmuar komunitetin tonë atje, për të siguruar një jetë më të mirë për qytetarët atje. Tani me zgjedhjet qe po afrohen në Luginë kemi mundësi unike për të çuar përpara këtë bashkëpunim. Qeveria do të jetë gjithmonë krah tyre duke mbështetur zhvillimin në çdo hap. Më kanë thënë se nuk bënë të marrin pjesë vetëm dy kandidatë, por unë shkoj aty ku më thërrasin”, tha Kurti.
Pas përfundimit të këtij tubimi, Kurti nuk iu përgjigj pyetjeve rreth akuzave dhe përplasjet me presidenten Osmani.
