Kryeministri i Kosovës, Albin Kurti, ka folur për punën që po bënë Qeveria e Kosovës për të siguruar njohjen e pesë vendeve mosnjohëse, pas aplikimit për anëtarësim në Bashkimin Evropian.
Kurti në panelin bashkë me liderët e vendeve të Ballkanit Perëndimor në kuadër të Forumit Strategjik të Bledit, në Slloveni, tha se janë bërë hapa të vogël.
“Është vërtetë që 5 shtete nuk na njohin ende, jemi duke punuar me ata në aspektin bilateral dhe diplomatik. Edhe në Bruksel atmosfera më këto vende është më e mirë se sa më parë. Ka ca hapa të vegjël konkret dhe shpresoj që ta ndërrojnë qëndrimin e tyre dhe t’i bashkohen shumicës dërmuese të BE-së që na njohin”, ka thënë Kurti në fjalimin e tij, përcjell teve1.info.
Ai tha se një mënyrë tjetër e bindjes është edhe progresi ekonomik dhe demokratik në vend.
Kurti tha se për vendet e Ballkanit Perëndimor, anëtarësimi në BE është i rëndësishëm.
Por ai tha se brenda këtyre gjashtë vendeve duhet të përfundojë njohja reciproke mes shteteve si dhe respektimi i pakicave.
“Është e rëndësishme që t’i përmbyllim këto njohjen e dy anshme,e në vendet e Ballkanit Perëndimor.. Unë besoj që është e mundshme dhe e zgjidhshme, pastaj mbrojtje të drejtave dhe pakicave në tërë rajonin. Dhe për pak vite besoj është e mundshme integrimi në BE i Ballkanit Perëndimor”, u shpreh Kurti.
Ai foli për situatën në veri ku tha se që dy muaj nuk ka pasur asnjë ekses dhe se ata që integrohen e kanë kuptuar që jetojnë më mirë./teve1.info/
