Krasniqi përmes një postimi në Facebook ka thënë se nuk ka PAN, por ka grevë.
Ai ka thënë se kryeministri mbylli shkollat për nxënësit dhe i hapi ato për zgjedhjet e brendshme të partisë së tij.
“Tash, e paska quajtur SBASHK-un sindikatë të PAN-it. Cilit PAN?! Nuk ka PAN. Ka grevë! SBASHK-u nuk po tregohet partner fleksibil, por gatishmëria që fëmijët të vuajnë, vetëm e vetëm që Albin Kurti të quhet i “pathyeshëm” nga militantët e tij, është mentalitet diktatorial”, ka shkruar Krasniqi.
Ai ka thënë se qytetarët nuk e kanë votuar Kurtin që sot t’i lë fëmijët pa shkollim.
“Sot, më shumë se kurrë, Kosova ka nevojë për zgjidhje konkrete të problemeve, jo për fjalë të thata e inate. Ka nevojë për lidership që e ruan dinjitetin e secilit qytetar e jo për lider që krijon ndasi edhe më të mëdha në shoqëri. Lëviz nga vendi, Kryeministër! Ofro zgjidhje! Ktheji fëmijët në shkolla”, ka shkruar Krasniqi.
https://teve1.info/lajmet/kurti-i-quan-grevistet-sindikaliste-te-pan-it-thote-se-greva-eshte-anti-qeveritare/
