Komisioni Qendror i Zgjedhje, ka pranuar katër shkresa, tre prej të cilave kanë të bashkëngjitur të plotësuar formularin për inicimin e kërkesës për peticion për largimin nga detyra të kryetarit të komunës.
Lajmin për teve1.info e ka bërë të ditur zëdhënësi i këtij institucioni, Valmir Elezi.
“Mund t’iu konfirmoj se gjatë ditës së sotme, në disa e-maila zyrtar, kemi pranuar katër e-maile, tri prej të cilave kanë të bashkëngjitur të plotësuar formularin për inicimin e kërkesës për largimin e kryetarit të komunës nga funksioni”, ka thënë Elezi.
Ai tha se shkresat do të trajtohen.
Serbët lokal në veri kanë thënë se kanë bërë një kërkesë të tillë edhe në Komunën e Mitrovicës së Veriut.
Kryesuesi i Kuvendit të Komunës së Mitrovicës së Veriut, Nexhat Uglanjin, ka mohuar se serbët kanë dorëzuar kërkesë për peticion për shkarkimin e kryetarëve të katër komunave veriore.