Në njoftim thuhet se pjesëmarrja e ministrit Mehaj dhe gjenerallejtënant Jasharit, është tregues i fuqishëm i besimit të ndërsjellë dhe partneritetit të fuqishëm të SHBA-së dhe aleatëve të saj për Kosovën.
“Ministri i Mbrojtjes Armend Mehaj dhe Komandanti i FSK-së Gjenerallejtënant Bashkim Jashari, udhëtuan sot në Bruksel për të marrë pjesë në takimin mujor organizuar nga Sekretari i Mbrojtjes i Shteteve të Bashkuara, Lloyd J. Austin III.Pjesëmarrja e Ministrit Mehaj dhe Gjenerallejtënant Jasharit, bashkë me shumë ministra e shefa të mbrojtjes të vendeve anëtare e partnere të NATO-s, në grup të nivelit kaq të lartë, është tregues i fuqishëm i besimit të ndërsjellë dhe partneritetit të fuqishëm të SHBA-së dhe aleatëve të saj në Kosovën”, thuhet në njoftim.
Bëhet e ditur se sekretari i Mbrojtjes të SHBA-së, Lloyd J. Austin III, e ka ftuar dhe organizuar takimin e radhës të Grupit të Kontaktit të Mbrojtjes së Ukrainës, për të koordinuar ndihmën për mbështetjen e Ukrainës për mbrojtje nga pushtimi i paprovokuar rus.
