Kosova dhe Shqipëria do të mbajnë mbledhje të përbashkët të qeverive edhe për gjatë këtij viti.
Për mbajtjen e mbledhjeve kanë njoftuar kryeministrat Kurti dhe Rama pas takimit të zhvilluar sot.
Kurti përmes një postimit në instagram, ka thënë se me Ramën në një drekë pune kanë diskutuar për rritjen e bashkëpunimit ndërqeveritar.
Ndërsa, Rama ka njoftuar se mbledhja e ardhshme e të dy qeverive do të mbahet në qershor.
Kurti të dielën ka qëndruar për vizitë në Tiranë, ku ka takuar edhe presidentin e Shqipërisë, Bajram Begaj dhe kryetaren e Kuvendit, Lindita Nikolla.
Temë qendrore në këto takime ishte marrëveshja për planin bazë ndërmjet Kosovës dhe Serbisë më 18 mars në Ohër.
Kurti është përgëzuar dhe ka marrë mbështetje nga liderët e shtetit të Shqipërisë për këtë marrëveshje./teve1.info/
