Kryetari i Podujevës, Shpejtim Bulliqi ka thënë se sot është bërë shpërndarja e kuponëve në vlerë të 300 eurove për fermerët e prekur nga vërshimet e janarit në Komunën e Podujevës.
Ai tha se kuponët nuk janë kompensim i dëmeve, por ndihmë për fermerët për të mbjellat vjeshtore, shkruan teve1.info
“Kjo ndihmë vjen nga Qeveria Zvicerane përmes Organizatës së Kombeve të Bashkuara për Bujqësi dhe Ushqim(FAO), të cilët i falënderova për ndihmën e ofruar për fermerët tanë”, ka shkruar ai.
Ai tha se përfitues janë 144 fermerë.
Kuponët mund të shfrytëzohen nga sot deri më 5 nëntor, ku fermerët mund t’i shfrytëzojnë kuponët për të blerë farë, pleh apo ndonjë pajisje bujqësore.