Mirëpo sipas Klinakut, Kosova ka gjithsesi qëndrimin e vet politik, duke shtuar më tej se pjesëmarrja e Malit të Zi në Open Ballkan është negative për vendin tonë.
“Pjesëmarrja e Malit të Zi në Open Ballkan e shton hendikepin për Kosovën për shkak se e shton peshën e këtij organizmi. Pra çdo shtet që i shtohet Open Ballkanit është më i disfavorshëm për Kosovën, megjithatë Kosova e ka qëndrimin e vet politik, dhe në fund të fundit interesat shtetërore janë të ndryshme prej Malit të Zi dhe Malit të Zi ndaj nesh”, tha Klinaku për emisionin “Infonata” në Tëvë1.
Teksa shtoi se Mali i zi ka marrë një pozicion të favorshëm krahas projektit të Berlinit.
“Pozicioni i Malit të Zi është pozicion më i favorshëm për të marrë pjesë edhe në këto aventurat politike të cilat i ndërmarrin shtetet e Ballkanit krahas projektit të Berlinit”, u shpreh ai.
Kryeministri i Malit të Zi, Dritan Abazoviq nuk e ka përjashtuar mundësinë e përfshirjes në Open Ballkan.
