Misioni paqeruajtës i NATO-s në Kosovë, KFOR ka njoftuar se ka kryer patrullime të përbashkëta me Policinë e Kosovës.
Në njoftimin e KFOR-it thuhet se patrullimet e përbashkëta po kryhen në mënyrë që të monitorojnë territorin dhe të sigurojnë një kornizë adekuate të sigurisë.
“Ushtarët e caktuar në Komandën Rajonale të KFOR-it në Perëndim (RC-W), kryen Patrulla të Përbashkëta me Policinë e Kosovës brenda zonës së tyre të përgjegjësisë, në mënyrë që të monitorojnë territorin dhe të sigurojnë një kornizë adekuate të sigurisë”, thuhet në njoftimin e KFOR-it.
Më tej në njoftim thuhet se KFOR-i është gjithmonë i përkushtuar për të mbështetur paqen, bashkëpunimin dhe përparimin për të gjithë njerëzit që jetojnë në Kosovë, sipas mandatit të tij, bazuar në
Rezolutën 1244 të Këshillit të Sigurimit të Kombeve të Bashkuara të vitit 1999, duke kontribuar në ruajtjen e një mjedisi të sigurtë dhe të lirisë së lëvizjes për të gjitha komunitetet që jetojnë në Kosovë.
