Ekspertët japin disa këshilla për mënyrat më të lehta për të përballuar vapën në mungesë të kondicionerit.
Shfrytëzimi i freskueses
Mund të shfrytëzohet freskuesja për të freskuar shtëpinë dhe veten. Para freskueses mund të vendoset shishe me ujë të akullt apo edhe akull ose një peshqir të lagur me ujë të ftohtë sipër saj. Një taktikë e tillë ndihmon në përhapjen e menjëhershme të ajrit të ftohtë.
Hapja e dritareve
Hapja e dritareve në mbrëmje është e rekomanduar jo vetëm për pastrimin e ajrit por edhe freskinë e shtëpisë. Gjatë ditës mund të mbahen perdet e mbyllura dhe freskuesja të mbahet pranë dyerve ose dritareve.
Jastëkët në frigorifer
Çarçafët dhe jastëkët mund të mbështillen në qese plastike dhe më pas të futen në frigorifer ku do të qëndrojnë të ftohtë dhe mund të hiqen pak para gjumit. Jastëkët dhe çarçafët do të jenë të freskët dhe do të ndihmojnë për gjumë më të rehatshëm. /Agroweb
