Ai siç shkruan “Danas”, tha se ka informacione se kush janë autorët e vrasjes, por shtoi se Vuçiq duhet tregojë.
“Presidenti ynë tha se nuk do të tregonte se kush ishin autorët, sepse pati një jehonë të tmerrshme dhe ai e di këtë”, tha Vukçeviq.
Në kafenenë “Panda”, dy sulmues të maskuar vranë Zoran Stanojeviqin (18 vjeç), Ivan Radeviqin (24), Ivan Obradoviqin (15), Vukota Gvozdenoviqin (16), Svetislav Ristiqin (18) dhe Dragan Trifunoviqin (18). U plagosën tre të tjerë.
“Deri më 28 dhjetor 2013, familjarët e djemve të vrarë ishin të bindur se krimi ishte kryer nga anëtarë të të UÇK-së”, shkruan gazeta “Danas”.
Mirëpo, zëvendëskryeministri i parë i Serbisë në atë kohë dhe shefi i Byrosë për Koordinim të Shërbimeve të Sigurisë, Aleksandar Vuçiq, në emisionin “Teshka reç” në TV Pink tha: “Krimi në “Panda” nuk është bërë nga shqiptarët si kemi besuar deri tani. Publiku do të tmerrohet kur të zbulohet e vërteta.”
Disa ditë pas vrasjes së gjashtë të rinjve, disa shqiptarë ishin arrestuar pa faj, ishin rrahur, keqtrajtuar e burgosur.
Disa prej tyre më vonë kanë rrëfyer se ende i vuajnë pasojat./teve1.info/
