Në rubrikën “Këshilla Juridike”, në kuadër të programit të mëngjesit “Herët”, Hyseni deklaroi se në Kosovë po ndodhë një numër i madh i aksidenteve në trafik dhe theksoi se çështja e kornizës ligjore sa i përket aksidenteve është e rregulluar mirë.
Sipas avokatit Hyseni, çdo aksident që ndodhë përfundon me kompensim të dëmit me një shumë minimale dhe jo ashtu siç e parasheh rregullorja.
“Në Kosovë çdo aksident që ndodhë përfundon me kompensim të dëmit me një shumë minimale dhe jo ashtu sa e parasheh rregullorja. Arsyeja pe po ndodhë kjo është numri i madh i kompanive të sigurimeve dhe numri i madh i rasteve që po ndodhin tek ne dhe gjendja ekonomike e qytetarëve që është. Shembull kur të ndodh një aksident, qytetari tek ne nuk e pret qysh të shërohet sa ma shpejt por sa më shpejtë ta marrë një kompensim për shkak të gjendjes ekonomike”, tha ai.
Tutje gjatë emisionit Hyseni foli edhe për gjobat në komunikacion si dhe marrjen e patentë shoferëve nga policia për të cilët thotë se duhet ta vlerësojnë mirë që marrja e patentë shoferit, heqja e pikëve edhe gjoba duhet të ndodhin aty ku e vlerësojnë që ka bazë dhe tek shoferët që janë përsëritës të veprimeve të njëjta.
“Fatmirësisht Policia e Kosovës kohën e fundit është duke bërë kontrolle të shpeshta dhe kjo është e mirë mirëpo edhe polica duhet ta ketë parasysh që marrja e patentë shoferit, edhe heqja e pikëve edhe gjoba duhet të ndodhë aty ku e vlerëson që ka bazë dhe të shoferët që janë përsëritë të veprimeve të njëjta, me pas një databazë me pas një gjendje ku të njëjtit shoferë kanë marrë prapë edhe njëherë edhe njëherë edhe njëherë dhe mos të vendohet në atë minimunim ku ka mundësi ta bëjë një tejkalim edhe policia të asaj po vendoset me një gjobë ose një veprim tjetër sipas policisë”, deklaroi Hyeni.
Hyseni po ashtu theksoi edhe disa arsye për të cilat sipas tij po ndodhin shumë aksidente. Disa ndër to thotë se janë automjetet e vjetra me vit dhe në gjendje jo të mirë teknike./Teve1.info/