Kryetari i Aleancës për Ardhmërinë e Kosovës, Ramush Haradinaj sot ka bërë homazhe në Lybeniq për të kujtuar masakrën që kishte ndodhur në vitin 1999.
Haradinaj përmes një postimi në Facebook ka shkruar se sa herë që shkon në Lybeniq, një pjesë e zemrës së tij mbetet aty, me familjarët që ende presin që të dashurit e tyre të kenë një varr për t`i vendosur lulet.
“Lybeniqi u masakrua edhe më 25 maj 1998, e java e parë e prillit 1999 ishte e kobshme për këtë fshat e zonën përreth, që u bënë cak të represionit të tmerrshëm e të paparë. Armiku ekzekutoi mbi njëqind shqiptarë të paarmatosur, nga fshatrat Lybeniq, Buçan, Rashiq, Loxhë, Kosuriq e Prilep”, shkroi Haradinaj.
Ndryshe, ai ka pyetur se “a vritet njeriu, vetëm se ëndërron lirinë e atdheut të tij?”
“A vritet njeriu, vetëm se e ëndërron lirinë e Atdheut të tij? Këtë e bëri pa mëshirë barbaria e shtetit fashist serb, që nuk kurseu askënd që i doli para, gra, fëmijë e pleq”, tha Haradinaj./teve1.info/
