Anëtari i BDI-së, Artan Grubi ka thënë se rezultatet e zgjedhjeve presidenciale po tregojnë se të gjitha tendencat për ta shkatërruar UÇK-në, BDI-në dhe Ali Ahmetin, dështuan në mënyrë spektakolare.
Grubi është shprehur falënderues ndaj qytetarëve që dolën për të votuar, për siç ka thënë ai Maqedoninë evropiane.
Sipas Grubit, rezultati i sotëm do të dyfishohet më 8 maj.
“Me gjithë ato konstruksione, me gjithë ato koalicione për ta shkatërruar UÇK-në, BDI-në dhe Ali Ahmetin, dështuan në mënyrë spektakolare sepse qytetarët shqiptarë dhe të tjerë nga Maqedonia e Veriut u përcaktuan për Maqedoninë evropiane, për Ali Ahmetin për koalicionin e Frontit Evropian dhe unë dua të uroj të gjithë ata që votuan dhe kjo fitore vetëm se do të dyfishohet më 8 maj, me ç’rast Fronit Evropian do të jetë garantuesi i ecurisë evropiane të Maqedonisë së Veriut”, u shpreh ai.
Ai këtë deklaratë e dha derisa po merrte pjesë në manifestimin që ka nisur para qendrës së Frontit Europian, ku po marrin pjesë qytetarë të shumtë. /teve1.info/
