Dy pjesëtarët e grupit serb që të dielën kanë kryer sulm terrorist në veri, kanë arritur në Gjykatën Themelore në Prishtinë, ku do të mbahet seanca
Seanca ndaj tyre pritet të nisë në ora 10:00.
Ndërsa Prokuroria Speciale e Kosovës ka kërkuar që ndaj tre të arrestuarëve të caktohet masa e paraburgimit.
“Prokuroria Speciale njofton opinionin se kërkesa është bërë kundër tre (3) të pandehurve për veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129 të Kodit nr.06/L-074 Penal të Republikës së Kosovës, si dhe veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129, lidhur me nenin 33 të Kodit nr.06/L-074 Penal të Republikës së Kosovës”, thuhet në njoftim./teve1.info/
