Drejtorët i kthehen punës nga objekti i komunës, Peci nuk sheh rrezik për tensionim të situatës
Nga e marta, dolën në zyrën e tyre.
Brenda komunës së Zveçanit tashmë u vendosën të gjithë drejtorët e drejtorive komunale.
E televizioni qëndroi gjatë ditës aty për të përcjellë nga afër funksionalizimin e zyrave.
Për herë të parë brenda objektit të komunës, është vendosur edhe posta e Kosovës, në të cilën, sipas burimeve të televizionit, janë edhe punonjësit e komunitetit serb.
Kryetari i kësaj komune, Ilir Peci, tha se puna e tij tash e tutje vazhdon në objektin e komunës.
“Nga disa e sot, të gjithë drejtorët me zyrtarët e tyre janë atje, edhe unë kam qenë që nga ora 12:15, për arsyeje të disa takimeve që i kam pas këtu. Kjo javë mund të ndodh herë pas here, për arsyeje të disa takimeve që i kemi lënë këtu”, tha Peci për Tëvë 1.
E që nga rikthimi i shërbimeve në këtë komunë, janë shtuar edhe kërkesat për punësim.
“Ka pas më herët rritje të interesimit, nga data 21 këtë muaj që lëmë pas, është rritur dukshëm numri i qytetarëve sidomos ata serb, por të gjithë. Për momentin kërkesa është e punësimit”, tha ai.
I pyetur për rrezik të mundshëm të tensionimit të situatës, ai vlerëson se nuk ka hapësirë.
“Nuk krahasohet ajo koha tash e nëntë muaj, me kohën e sotit, edhe qytetarët janë të bindur se edhe ne jemi për të mirën e qytetarëve pa marrë parasysh”, vlerëson Peci.
Javë më parë u mbajt procesi i votimit për shkarkimin e kryetarëve veriorë, i cili dështoi pas bojkotit të qytetarëve serb për të dalë në votim.
Tashmë në katër komunat veriore, të katër kryetarët, punën e tyre e bëjnë nga objektet e komunave, Mitrovicë e Veriut, Leposaviq, Zubin Potok dhe Zveçan.
Kryeministri i Malit të Zi, Spajiq, konfirmon se s’do të ketë çnjohje të shtetit të Kosovës
