Përmes një njoftimi për media Shoqëria e avokatisë Kërveshi&Partners ka njoftuar se këto kallëzime penale i ka dorëzuar në Prokurorinë Speciale të Republikës së Kosovës.
Kjo zyrë ka bërë të ditur se dosjet e dorëzuar në prokurori përmbajnë deklarata të viktimave dhe dëshmitarëve, qindra fotografi të të dyshuarve të periudhës së luftës së fundit në Kosovë, përcjellë teve1.info.
“Dy dosjet përmbajnë deklarata të viktimave dhe dëshmitarëve, qindra fotografi të të dyshuarve të periudhës së luftës së fundit në Kosovë të identifikuar gjatë punës disa vjeçare të ekipit tonë. Dëshmitë në fjalë besojmë se do ti shërbejnë institucioneve tona përtej këtyre dy kallëzimeve penale të ushtruara sot”, thuhet në njoftim.
