Dendias në një konferencë të përbashkët për media me ministren e Jashtme të Kosovës, Donika Gërvalla, tha se Greqia mbështet dialogun Kosovë-Serbi dhe marrëveshjet ligjërisht të obligueshme.
“Është e rëndësishme që të respektohet nga të dy palët ajo çfarë është arritur. Më lejoni të them se ky ishte edhe mesazhi që dje e thash në Beograd. Mbështesim dialogun Kosovë-Serbi dhe marrëveshjet ligjërisht të zbatueshme”, ka thënë ai, raporton teve.info.
Ministri grek tha se Greqia mbështet integrimin e Ballkanit Perëndimor në Bashkimin Evropian.
Ai tha se me Gërvallën diskutuan edhe për bashkëpunimin ndërmjet dy shteteve në tregti dhe energji.
Ministri grek të hënën ishte për vizitë në Beograd, ndërsa pas Kosovës do të ketë vizitë në Tiranë./teve1.info/
