Sipas tij, në momentin kur serbët sulmuan patrullat e EULEX-it përfaqësuesit e BE-së nuk heshtën.
Ai përmes një postimi në Facebook, ka thënë se kjo sjellje është e papranueshme, teksa tha se kjo mund të nxisë ende më shumë tensione në veri, raporton teve1.info
“Përfaqësuesit e BE-së, zgjodhen heshtjen kur u drejtuan bomba e zjarr të armëve të gjata ndaj policisë së Kosovës në komunat veriore nga ana e bandave, të sponsorizuara nga kreu shtetëror i Republikës së Serbisë, megjithatë, ata nuk heshtën kur u sulmuan patrollat e EULEX-it në veri. Kjo sjellje me dy standarde të ndryshme për të njëjtën çështje e Brukselit është e paparanueshme. Ajo madje mund të nxisë ende më shumë tensione në veri”, ka shkruar ai.
Tutje Bajqinovci theksoi se Kosova është e përcaktuar për paqe, siguri dhe zhvillim të mirëfillt demokratik dhe sipas tij, ky përcaktim domosdo kalon kah luftimi i pakompromis i bandave dhe grupeve të organizuara kriminale.
“Kjo nuk është as politikë e neutralitetit sepse nuk ka neutralitet kur ndeshen në një anë një polici e një shteti demokratik, e ndërtuar dhe e stërvitur edhe nga burimet e shteteve të BE-së dhe në anën tjetër, bandat që nxisin, sponsorizojnë e eksportojnë kriminalitet ndërkufitar. Kosova është e përcaktuar për paqe, siguri dhe zhvillim të mirëfillt demokratik dhe ky përcaktim domosdo kalon kah luftimi i pakompromis i bandave e grupeve të organizuara kriminale”, ka shkruar Bajqonivci.
“Ne këtë do ta bëjmë gjithnjë e më shumë sepse kriminaliteti rrezikon sigurinë e paqen në vendin tonë e ndaj njerëzve që jetojnë në Kosovë pa dallim, e poashtu rrezikon edhe paqen e sigurinë në rajon e në vet Evropën”, shtoi ai.
