Përmes një postimi në Facebook, ajo u shpreh se Qeveria aktuale erdhi në pushtet me premtime si parti e majtë, por që shton se “veç e majtë s’është”.
“Qeveria e së majtës, siç thotë populli, u zgju në krahë të majtë, ama veç e majtë s’është. Ky pushtet që sot po i kërcënon grevistët, që ushtrojnë një të drejtë ligjore, nesër mendësia e tyre shkon dhe më larg. Dhe kjo është e frikshme. Kjo nuk është demokracia!”, shkroi ndër tjerash ajo.
Tutje, ajo tha se ditëve në vazhdim do të shihet “fytyra e vërtetë e Qeverisë aktuale”.
“Fytyra e vërtetë e qeverisë Kurti është kjo që e shihni sot, dhe fatkeqësisht keni për ta parë edhe secilën ditë tjetër. Sepse demagogjia e tij, më nuk do të kryej punë!”, thuhet ndër tjerash në postim./teve1.info/