Persona të dyshuar për kontrabandim me migrantë, kanë tentuar të godasin veturën e Policisë së Kosovës në Leposaviq, pasi policia u ka dhënë urdhër për ndalim.
Ndërsa, raportohet se zyrtarët e PK-së si kundërpërgjigje kanë gjuajtur me armë zjarri në drejtim të tyre.
Rasti është konfirmuar edhe nga zëvendësdrejtori i Policisë së Kosovës për veriun e Mitrovicës, Veton Elshani.
Ai për teve 1.info, ka thënë se policët nuk kanë pësuar lëndime, duke thënë se të dyshuarit janë në kërkim nga Policia.
Elshani tha se 10 migrantët janë dërguar në polici.
“Po, rasti ka ndodhur sot, janë dyshuar për kontrabandë me migrantë, zyrtarët policorë nuk janë lënduar. Personat të cilët kanë tentuar të godasin me veturë zyrtarët policorë janë në kërkim nga Policia e Kosovës, nuk janë arrestuar, ndërsa 10 emigrantë janë dërguar në stacionin e Policisë për hetime të mëtutjeshme”, ka thënë Elshani.
