Proceset teknike për regjistrimin e popullsisë në Kosovë që do fillojë në muajin prill të vitit të ardhshëm janë përfunduar.
Numri i regjistruesve dhe monitoruesve bashkë me tabletët dhe pajisjet e nevojshme për regjistrim tashmë janë është gati.
Kjo është bërë e ditur nga Qeveria e Kosovës, pas vizitës që kryeministri i Kosovës, Albin Kurti dhe ministri i Financave, Hekuran Murati i kanë bërë Agjencisë së Statistikave të Kosovës.
Kurti ka thënë se regjistrimi i popullsisë është procesi më i rëndësishëm për planifikim.
“Numri i regjistruesve dhe monitoruesve bashkë me tabletët dhe pajisjet e nevojshme për regjistrim tashmë janë është gati. Kryeministri tha se nuk ka proces më të rëndësishëm për planifikim sesa regjistrimi i popullsisë, ekonomive familjare dhe banesave dhe ofroi mbështetje të plotë për ASK-në ashtu që censusi të zhvillohet me përpikëri të nevojshme e sipas standardeve të EUROSTAT-it”, thuhet në komunikatën e Qeverisë.
Ushtruesi i detyrës së ASK-së, Avni Kastrati, bashkë me ekipin e drejtorëve të ASK-së, njoftoi Kryeministrin për hapat e radhës në kuadër të procesit të regjistrimit të popullsisë, përfshirë organizimin e regjistrimit të diasporës përmes platformës e-Kosova.
Kryeministri falënderoi ASK-në për punën, përkushtimin dhe angazhimin e tyre. Qëndrojmë së bashku në realizimin e këtij projekti të madh, regjistrimin e popullsisë, ekonomive familjare dhe banesave.
Regjistrimi i Popullsisë ishte planifikuar të ndodhë gjatë këtij viti, por që ishte shtyrë dy herë, për të vendosur përfundimisht prillin e vitit 2014 si periudhë kur do të nisë ky proces.
Shtyrja e këtij procesi ishte kritikuar nga opozita./teve1.info/
