Qendra “Artpolis” ka filluar të ofrojë kurse apo trajnime për vajzat dhe gratë në mbrojtje kundër dhunuesve .
Diellza Bezera, Menaxhere e projekteve në “Artpolis” në një lidhje të drejtpërdrejtë në Tëvë1 tha se kjo qendër e ka marrë iniciativën e krijimit të kurseve vetëmbrojtëse të quajtura “Çikat e sjellshme”.
“Kurset kanë filluar që nga qershori i këtij viti, në fillim të këtij muaji kemi pasur grupin e pare, pjesëmarrëse kanë qenë 25 vajza nga të gjitha komunat e Kosovës. Grupi i dytë starton tash në shtatorë. Kurset e vetëmbrojtjes janë pa pagesë dhe janë të hapura për të gjitha ato vajza dhe gra që kanë interesim të bëhen pjesë e këtyre trajnimeve apo kurseve”, tha ajo.
Tutje gjatë emisionit “Info Nata”, Bereza tha se ky trajnim është marrë si masë parandaluese në rast se vajzat apo gratë ballafaqohen me një përdhunues të dinë apo të mësojnë vetën.
“Trajnimi gjithsej përmban 28 sesione në të cilat vajzat dhe gratë e reja kanë për të mësuar jo vetëm se si ta mbrojnë vetën por edhe masa tjera se si ta trajtojnë stresin, ankthin meqenëse ngacmimet, sulmet , përdhunimet krahas dhunës fizike gratë përjetojnë edhe dhunë psikike, emocionale dhe ekonomike dhe ne po mundohemi që në kuadër të kurseve t’i trajtojnë vajzat si të mbrohen fizikisht dhe emocionalisht. Trajnimi mbahet në Prishtinë por shpenzimet janë të mbuluara nga “Artpolisi” dhe janë të hapura për të gjitha gratë dhe vajzat nga të gjitha Komunat e Kosovës”, tha ajo.
Sipas Berezë zgjedhja ideale do të ishte që fillimisht të edukohen djemtë dhe burrat që rastet e tilla të mos përsëriten.
“Kjo nuk është zgjidhja ideale, ideale do të ishte që fillimisht të edukohen djemtë dhe burrat edhe raste të tilla mos të jenë më të përsëritura në shoqërinë tonë. Gjatë gjithë kohës interesimi ka qenë shumë i madh që është një tregues sesa jo të sigurta ndjehen vajzat dhe gratë po nga rastet e fundit interesimi ka qenë edhe më i madh. Për ku7rsin që di të fillojë në shtator interesimi ka qenë shu8më o madh edhe prej vajzave të rreja rreth 10 apo 11 vjeç”, shtoi ajo./Teve1/