Policia e Kosovës ka arrestuar edhe një person lidhur me aksidentin në fshatin Miresh i Vogël në Gjilan, ku një person humbi jetën dhe një tjetër u lëndua, duke quar në katër numrin e të arrestuarve për këtë rast.
Policia ka bërë të ditur se i arrestuari me vendim të prokurorit është dërguar në mbajtje.
“Në lidhje me rastin, me 28.01.2024 është arrestuar edhe i dyshuari tjetër (i katërti) mashkull kosovar dhe i njëjti pas intervistimit me vendim të prokurorit, është dërguar në mbajtje”, thuhet në raportin 24-orësh.
Për këtë aksident, më 26 janar policia kishte arrestuar edhe tre persona të tjerë, të cilët në ditën e aksidentit kishin qenë me viktimën dhe dyshohet se nuk i erdhën në ndihmë të ndjerit duke u larguar nga vendi i ngjarjes.
Sipas Prokurorisë, ekziston dyshimi i bazuar se dy nga të dyshuarit ishin duke zhvilluar gara me të ndjerin.
