I arrestuari L.Q nga Ferizaj veturën e kishte shitur në Lipjan.
Policia e Kosovës ka njoftuar se vetura i është kthyer pronarit.
“Policët hetues, pas një pune intensive hetimore, grumbullimit të informacioneve në terren, kanë arrestuar personin L.Q ( M/K) i moshës 23 vjeçar, i cili pasi kishte marrë në shërbim një veturë nga personi E.J ( M/K) i moshës 22 vjeçar, e kishte shitur atë në qytetin e Lipjanit një personit tjetër. I dyshuari i parë L.Q është shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit të rastit, është ndaluar në mbajtje për 48 orë për procedura të mëtejme. Rasti është cilësuar ” Shpërdorimi i pasurisë së huaj’’, ndërsa vetura i është kthyer pronarit”, thuhet në njoftim.
Ndërsa, për të njëjtën vepër Policia thotë se është në kërkim edhe të një të dyshuari tjetër, i cili ka marrë veturën nga i njëjti pronar./teve1.info/
