Profesori universitar, Dritero Arifi, ka thënë se pas hyrjes në fuqi të liberalizimit të vizave duhet të ketë rritje të standardit për jetesën e qytetarëve.
Ai ka thënë se qytetarët e Kosovës më nuk do të pranojnë standard afrikan dhe se kjo Qeveri por edhe të tjerat pas sajë do të ballafaqohen më cilësinë e shërbimit.
Arifi në emisionin special në Tëvë 1 kushtuar liberalizimit të vizave, tha se duhet të rriten paga edhe nga sektorit privat.
“Qytetari kosovarë nuk e pranon më standardin afrikan, kjo Qeveri dhe ato të ardhshmet, ka mu ballafaqu me cilësinë e shërbimit në tërësi. Pagat duhet me qenë një standard normal, nuk mundet me këto paga qytetari kosovarë me pritë që ka mu bë mirë”, tha Arifi.
Ai ka thënë se nuk pret fluks të madh të ikjes së qytetarëve pas liberalizimit të vizave, por sipas tij, shqetësuese është ikja e qytetarëve me leje pune.
