Arifi në emisionin “Këndi i Debatit” në Tëvë1, tha se sot ka qenë e pakuptimtë se çfarë pritje të panevojshme ka krijuar Kosova për liberalizim.
“Ka pasur deklarata politike se Kosova meriton liberalizimin e vizave. Problemi është te ambasadorët e BE-së, vendet anëtare që i kanë përfaqësuesit e tyre në komitetin e përhershëm. Ata duhet ta votojnë dhe mandej nga ambasadorët fillon dialogu tre palësh mes Komisionit Evropian, Parlamentit Evropian, dhe këshilli Evropian. Ka shumë procedura dhe kjo për mua ka qenë e pakuptimtë se çfarë pritje të panevojshme kemi krijuar. Kështu sfidojmë edhe BE-në”, ka deklaruar ai.
Sipas tij, Kosova nuk mundet gjithmonë të fajësojë BE-në për liberalizimin e vizave, duhet të jemi më proaktiv.
“Ne duhet të shfrytëzojmë në veprime konkrete. Duhet të punohet që të paktën deri në tetor të përfundon gjysma e këtyre procedurave që deri në dhjetor apo janar eventualisht të përfundon te pika e 13. Tash varet edhe nga politika kosovare sepse ne nuk mund gjithmonë ta fajësojmë BE-në gjatë gjithë kohës. Ne duhet të jemi shumë proaktiv”, tha Arifi. /teve1.info/
