Arifi thotë se BE-ja e ka çelësin në dorë për ta zgjidhur problemin mes Kosovës dhe Serbisë, mirëpo siç tha ai, ata nuk kanë guxim të merren me këtë çështje.
“Serbia nuk guxon të lëvizë pa përfunduar lufta në Ukrainë. Ne Evropës duhet t’i themi se në qoftë se dëshirojnë qetësi e barazi në Ballkanin Perëndimor, mos u merr fare me Serbinë por vetëm njihe Kosovën. Prandaj, BE-ja e ka celësin në dorë por nuk ka dëshirë ta zgjidhë sepse nuk kanë guxim të merren me këtë punë. Po ashtu, Kosova do bëhej multientike, ashtu sic dëshiron Amerika. Mirëpo, jam i bindur se nëse vazhdohet me këtë politikë, nuk do ketë Kosovë multietnike”, tha Arifi në emisionin “Këndi i Debatit”.
“BE-ja nëse dëshiron të ketë paqe në Ballkan, duhet të marrë vendime të vështira, ose ndryshe do dëmtohen edhe ata nëse nuk do ketë zgjidhje”, tha Arifi tutje./Tëvë1.info.
