Ambasada e Shqipërisë në Malin e Zi ka reaguar pas rrahjes së tre shqiptarëve në Malin e Zi, duke thënë se është duke ndjekur nga afër situatën.
Ambasada ka bërë të ditur se viktimat, shtetas shqiptarë i ka marrë në mbrojtje.
“Që prej momentit të parë kur jemi njoftuar, jemi vënë në kontakt me shtetasit, i kemi marrë në mbrojtje dhe po i ofrojmë çdo shërbim të nevojshëm, përfshirë edhe atë ligjor”, ka lajmëruar ambasada në një postim në Facebook.
Po ashtu kjo ambasadë ka bërë të ditur se u ka kërkuar policisë dhe autoriteteve ligjzbatuese për zbardhjen e ngjarjes dhe ndëshkimin e autorëve.
“Shtetasit shqiptarë të asistuar nga ambasada kanë bërë denoncimin pranë autoriteteve policore malazeze”, tha ambasada./teve1.info/
Tre shtetas shqiptarë rrihen nga persona me uniformë ushtarake në Mal të Zi
