Një aksident është shënuar mbrëmjen e së dielës në aksin rrugor Kukës-Morinë në vendin e quajtur “Fushorja e Uzinë”. Mësohet se një automjet me targa të Kosovës ka goditur një kalimtar 74 vjeçar.
Nga goditja e fortë, i moshuari është përplasur me xhamin e parë të automjetit e për pasojë ka ndërruar jetë në vend. Policia e Kukësit ka mbërritur në vendngjarje për të hetuar shkaqet e ngjarjes.
Drejtuesi është shoqëruar në komisariatin e Kukësit. Pas aksidentit, njëra korsi e autostradës ka qëndruar e mbyllur duke shkaktuar trafik të rënduar e radhë kilometrike në “Rrugën e Kombit”./abcnews.al
