Kombëtarja U21 e Kosovës ka fituar ndeshjen e parë miqësore ndaj Maqedonisë së Veriut.
Në duelin e luajtur të premten në Shkup, Kosova U21 triumfoi me rezultatin 3:1 përkundër që ishte në disavantazh.
Vendasit kaluan herët në epërsi, përpara se “Dardanët” e rinj të kundërpërgjigjen me tri gola, një në pjesën e parë dhe dy të tjerë në të dytën.
Miqësoren e dytë, Kosova U21 kundër Maqedonisë së Veriut, e luan të dielën prej orës 12:00, po ashtu në Shkup.
