Ka përfunduar pas 1 ore e gjysmë “Marshi për Drejtësi” i organizuar në mbështetje të ish-luftëtarëve të UÇK-së që po mbahen në Hagë.
Në këtë marsh të organizuar nga platforma “Liria ka emër” morën pjesë mijëra qytetarë nga anekënd Kosova.
Marshi u përkrah nga parti politike, kategori të dala nga lufta, organizata e qytetarë të shumtë.
Folësit kërkuan drejtësi për Thaçin e të tjerët, duke thënë se historia nuk duhet të rishkruhet .
Ata u shprehën të bindur se të akuzuarit në Hagë do të dalin faqebardhë dhe do të kthehen fitimtarë në Kosovë.
Gjykimi për Thaçin, Selimin, Veselin e Krasniqin do të nisë nesër.
