Kryeministri Albin Kurti deklaroi se nuk a ka pranuar draft-statusin për marrëveshjen me Serbinë, raporton teve1.info
Kurti gjatë raportimit për takimin e fundit në Bruksel në kuadër të dialogut Kosovë-Serbi, tha se ka shumë që po flasin në ermin e tij duke thënë se është pranuar draft-statuti, derisa shtoi se një gjë e tillë nuk është e vërtetë.
“Të gjithë ata që po flasin në emrin tim se kinse e kam pranuar draft statutin, nuk e kam pranuar, nuk e kam pranuar ende, nuk e kam pranuar dhe kurrfarë pranimi nuk vie në shprehje pa e pa edhe ju për shkak se nuk e kam pranuar dhe nuk po e shihni”, tha Kurti.
“Ta pranosh nënkupton të pajtohem dhe të marrësh obligime për zbatimin e draftit, ajo qka kam ofruar është që ta nënshkruaj dhe si rrjedhojë ta pranoj. Meqenëse nuk ka nënshkrim, nuk ka pranim, meqenëse nuk ka pranim nuk ka zbatim. Dmth vetëm nënshkrimi nënkupton pranimi e pranim nuk mund të ketë pa nënshkrim”, tha Kurti.
Gjatë seancës në Kuvend, kryeministri i vendit, Albin Kurti ka bërë të ditur detaje të marrëveshjes së 26 tetorit në Bruksel.
Kryeministri Kurti theksoi se drafti e bën të qartë që ndryshimi i statutit bëhet vetëm me pajtimin e Ministrisë për Administrimin e Pushtetit Lokal.
“Drafti e bën të qartë që çfarëdo ndryshimi i statuti bëhet vetëm pasi të jetë pajtuar ministria për Administrimin e pushtetit lokal të Republikës dhe vetëm pasi të ketë dhënë aktgjykim lejues Gjykata e Kushtetutës të Kosovës. Kjo e përmbys atë që e ndërtonin marrëveshjet e vitit 2013 e 2015, përkatësisht supozimin që e krijonin ato që pjesëmarrësit në një asociacion do të jenë të lirë të avancojnë atë në një drejtim të panjohur. Një drejtim i tillë i panjohur më nuk ekziston dhe tash drejtimi është i qartë dhe i njohur, e ai është Kushtetuta dhe ligjet e Kosovës”, deklaroi ai në Kuvend.
