I dërguari i Gjermanisë për Ballkanin Perëndimor, Manuel Sarrazin ka thënë se Asociacioni i Komunave me shumicë serbe, është një obligim që tashmë është “gëlltitur” nga Kosova.
Sarrazin ka shtuar se po ashtuë është e qartë se marrëveshjet e 2013 dhe 2015 duhet të respektohen.
“Përshtypja ime është se tema shumë e vështirë e Asociacionit të Komunave me shumicë serbe për palën kosovare, tashmë është gëlltitur. Si Gjermania, ashtu edhe partnerët ndërkombëtarë kanë qenë gjithmonë të qartë për faktin se presim që Kosova ta përmbushë këtë dhe përshtypja ime është se kjo tani është pranuar edhe në Prishtinë. Ndoshta e kam gabim, por kjo është përshtypja nga takimet e mia në Prishtinë – se ata bënë një hap përpara. Dhe presim që ata ta tregojnë në terren në ditët dhe javët në vijim”, tha Saracin.
“Dhe neni 7 përshkruan se si duhet të bëhet. Megjithatë, nuk do të komentoj qartë se cila është saktësisht shkalla e pushtetit, pasi është jashtë kompetencës sime. Është e rëndësishme që ne të gjejmë një mënyrë për të arritur në procesin e gjetjes së fushëveprimit të duhur, lartësinë e këtyre pyetjeve. Kjo është diskutuar në dialog”, tha ai.
Nga ana tjetër, ai pranon se Kosova dhe Serbia kanë vizione të ndryshme për Asociacionin por gjithashtu beson se është e mundur të arrihet një marrëveshje “me të cilën të dyja palët duhet të pajtohen”, shkruan Kossev.
“Mendoj se paraqet njëfarë progresi që nga hedhja e gazit lotsjellës kundër ndonjë Asociacioni erdhi deri te – ‘nuk do të pajtohem me atë që është vizioni i Serbisë’. Pra, le të përpiqemi të marrim diçka atje”, ka thënë Sarrazin.
Ai ka komentuar edhe bojkotimin nga Lista Serbe të zgjedhjeve të ardhshme në veri.
“Në Gjermani, ne kemi një thënie në politikë kur dikush largohet – “ai që del nga dhoma duhet të mendojë se si do të mund të hyjë përsëri”, tha ai.
