Shtetet e Bashkuara të Amerikës kërkojnë shuarjen e misionit të UNMIK-ut në Kosovë. Kështu ka deklaruar ambasadori i SHBA-së në OKB. Diplomatë e ish-ministra të jashtëm të Kosovës thonë se ky qëndrim i administratës amerikane është shumë pozitiv, dhe se si i tillë do të pengoj planet serbo-ruse, për përditësimin e rezolutës 12 44.
Në mbledhjen e fundit të Këshillit të Sigurimit të Kombeve të Bashkuara, kushtuar Kosovës, ndër të tjera u diskutua edhe për mandatin e misionit të UNMIK-ut.
Britania kërkoi nga Këshilli të rishikohet roli i këtij misioni në Kosovë, ndërsa ambasadori i SHBA-së në OKB Robert Ëood, përsëriti kërkesën që ky mision të mbyllet plotësisht.
Ish ambasadori i Shqipërisë në OKB Agim Nesho, tha se kjo deklaratë e ambasadorit amerikan ka shuar ëndërron serbo-ruse për riaktivizimin e rezolutës 12 44.
Në përgjigjen e tij ambasadori amerikan e tha shumë qartë nuk ka nevojë për një mandat të ri tha që të marri UNMIK-u nëpërmjet kapitullit 7 … pra ndërpreu atë mandat të ri që ëndërrojnë si serbët ashtu edhe rusët për të patur dhe për të zhbllokuar 1244 … prandaj përgjigja e ambasadorit amerikan që nuk ka rimandatim as për UNMIK-un nënkuptonte që nuk ka rimandatim as për fuqinë e KFOR-it.
Ndërsa ish-ministri i punëve të jashtme të Kosovës, Skender Hyseni, thotë se misioni i UNMIK-ut prej kohësh nuk është i nevojshëm në Kosovë.
“Është për tu përshëndetur deklarimi amerikan në Këshill të Sigurimit dje, që ka ardhur koha që misioni i UNMIK-ut nuk është më i nevojshëm në Kosovë, nuk ka qenë i nevojshëm që nga shpallja e pavarësisë … mangësitë që përmban rezoluta 1244 në kuptim të përmbylljes së saj afatizimit bëjnë që duhet edhe një manovër shtesë në këshill të sigurimit një kërkesë zyrtare nga njëri nga anëtarët e përhershëm”, u shpreh ish-ministri i punëve të jashtme të Kosovës, Skender Hyseni.
Misioni i UNMIK-ut, u vendos në Kosovë në qershor të vitit 1999 dhe kishte për qëllim që të shërbente si prezencë ndërkombëtare civile, e mbështetur edhe nga prania e ushtarake e KFOR-it pas miratimit të Rezolutës 12 44 të Këshillit të Sigurimit.
