Nënkryetarja e partisë Demokratike të Kosovës, Vlora Çitaku, e ka ftuar kryeministrin Albin Kurti që ta dërgoj vendin në zgjedhje, raporton teve1.info
Çitaku përmes një shkrimi në llogarinë e saj në Facebook, ka shkruar se prej muajit korrik e kanë lutur Kurtin që ta shpërndaj Kuvendin.
Ajo këto reagime i bëri pas publikimit të një sondazhi rreth përqindjes së votave nga partitë politike në Kosovë, ku prin Vetëvendosje, pasuar nga PDK.
“Kryeministër, nëse je vërtetë i kënaqur me sondazhet, hajde shkojmë në zgjedhje. Edhe ashtu, prej korrikut të kemi lutë me e shpërnda Kuvendin. Çohu shkojmë në zgjedhje, edhe e merr vesh tamam se qysh i ke numrat edhe sa janë të kënaqur qytetarët me qeverisjen tënde, e cila do të shkoj n’histori si më e dështuara ndonjëherë!”, ka shkruar Çitaku.
