Ish-kryeministri i Kosovës, Isa Mustafa, në 34 vjetorin e themelimit të Lidhjes Demokratike të Kosovës thotë se me këtë rast dhe Kosova shënon përvjetorin e Demokracisë.
Mustafa tha se sot 34 vite më parë janë vënë themelret e idesë për shtetin dhe shoqërinë dekorative.
“34 vite më parë, më 23 dhjetor 1989 u themelua Lidhja Demokratike e Kosovës me kryetar, Ibrahim Rugova. Në këtë ditë u vunë themelet e idesë për shtetin dhe shoqërinë demokratike, pluralizmin politik, ekonominë e tregut, orientimin evropian dhe euroatlantik të Kosovës”, ka shkruar Mustafa në Facebook.
Ai tha se urimet partiake u takojnë themelueseve, si dhe të gjithë veprimtarëve dhe qytetarëve që i besuan LDK-së.
“Urimet janë edhe për të gjithë ata që e gëzojnë sot Demokracinë, Lirinë dhe Pavarësinë, të ideuara me programin politik të LDK-së e të fituara së bashku me UÇK-në dhe aleancën perëndimore”, ka shkruar ai./teve1.info/
