Një 34-vjeçar është raportuar se është gjetur i varur në një lis në fshatin Drenoc të Rahovecit, raporton teve1.info.
Policia e Kosovës ka njoftuar se njësia policore dhe ekipi mjekësor kanë dalë në vendin e ngjarjes, ku nga mjekët është konstatuar vdekja e tij.
Me këtë rast është njoftuar edhe prokurori i shtetit, me vendimin e të cilit është iniciuar rasti “Hetim i vdekjes”.
Ndërsa, trupi i pajetë i viktimës është dërguar në IML për obduksion.
“Sot në Stacionin Policor në Rahovec është raportuar se në fshatin Drenoc, viktima mashkull i lindur në vitin 1989, rreth orës 10:00 është gjetur i varur në një lis. Ekipi mjekësor të cilët kanë dalë në vendin e ngjarjes kanë konstatuar vdekjen e tij. Njësitet e nevojshme policore, po ashtu kanë dalë në vendin e ngjarjes si dhe është njoftuar prokurori i shtetit me vendimin e të cilit është inicuar rast “Hetim i vdekjes”. Trupi i pajetë i viktimës është dërguar në IML për obduksion”, thuhet në njoftimin e PK-së.
