Gazetari Valmir Gallopeni i cili po përcjell nga afër Samitin e Berlinit i cili po mbahet në Tiranë, tha se liderët e shteteve ballkanike që po marrin pjesë në këtë Samit, diskutuan edhe për dialogun Kosovë-Serbi dhe sulmin e 24 shtatorit në Banjskë të Zveçanit, raporton teve1.info
Gjatë paraqitjes së tij në emisionin “Ditari” në tëvë1, Gallopeni tha se këtë e konfirmoi kryeministri teknik i Malit të Zi, Dritan Abazoviq, i cili sipas tij nuk dha shumë detaje.
“Abazoviq përveç lëvdatës që i bëri politikës shqiptare e lëvdoi politikën e 3-4 viteve të fundit që përveç Samitit ka arritur të sjell edhe takimin e vendeve të BE-së me gjashtë vendet e Ballkanit Perëndimor me 6 vendet evropiane. Pas fotografisë familjare ka pas edhe një takim formal ku kanë diskutuar çështje tjera ku është folur edhe për dialogun Kosovë-Serbi dhe sulmin e 24 shtatorit por nuk ka pranuar të jep detaje”, tha Gallopeni për deklarimin e Avbazoviqit pas fotos familjare.
Sipas Gallopenit, Abazoviq e ka dhënë edhe qëndrimin e tij rreth sulmit në veri të Kosovës, ku tha se kushdo që organizon sulme terroriste duhet të përballet me drejtësinë.