Ish kryeministri i Kosovës, Isa Mustafa, tha se Vuçiqi me veprimet në veri të Kosovës po sillet sikur presidenti rus ndaj popullit të Ukrainës, raporton teve1.info
Mustafa në emisionin “Respublika” në Tëvë1, tha se aksionet e tilla terroriste në veri të Kosovës siç ishte ai i mbrëmshmi, është vështirë e besueshme se nuk janë nën ndikimin presidentit serb, Vuçiq.
“Është vështirë të besoj që nuk janë në ndikimin ose njohurin e Vuçiqit. Në qoftë se dje Vuçiqi insistonte që çështja është e pakënaqësisë së qytetarëve në veri të vendit, ajo u takon atyre, e arsyetonte dhe arsyetime të tilla ne kemi dëgjuar nga pushteti rus sa i përket pjesëve të Ukrainës. Sepse ata kanë hy me arsyetime të tilla atje, që atje një pjesë e rusëve që janë, asaj pjese po i merren të drejtat, nuk po konsiderohen dhe duke ia lejuar vetës që ata të kenë të drejtë që të hyjnë dhe t’i mbrojnë të drejtat e tyre, të mbrojnë sovranitetin etnik të tyre atje, i bënë veprimet e tilla dhe mua disi më ngjante në njëlloj parapërgatitje që të përgatitet opinioni”, tha Mustafa.
Megjithatë ish kryeministri Mustafa tha se shteti i Kosovës duhet t’i tregojnë me argumente Serbisë që qytetarëve serb në veri nuk po u shkelet asnjë e drejtë vetëm se në atë pjesë ka nevojë për funksionim të ligjit.
“Serbia nuk ka asgjë të bëjë me atë pjesë mirëpo problemi është i atyre që ata më nuk po e durojnë politikën që qeveria e Kosovës po zhvillon atë pjesë dhe ata janë vetorganizuar dhe unë mendoj që këtu edhe Qeveria e Kosovës edhe të gjitha institucionet duhet të jenë të zëshme, të japin argumente sepse argumente ka mjaftë që nuk është fjala për asnjë të drejtë që po u shkelet serbëve në veri të vendit, por është fjala që ka nevojë që të funksionoj ligji edhe në atë pjesë të territorit të Republikës së Kosovës sepse është pjesë e jona sado që institucionet e Serbisë dhe liderët e Serbisë thonë që Kosova akoma është pjesë e Serbisë”, tha Mustafa.
