Shefi i Zyrës së BE-së, Thomas Szunyog, ka reaguar pas vendimit të presidentes së Republikës së Kosovës, Vjosa Osmani për të mos e dekretuar Blerim Isufajn për Kryeprokuror të Shtetit.
Ai ka thënë se duke marrë parasysh deklaratën e presidentes theksoj nevojën kritike për një proces përzgjedhjeje të bazuar në merita, transparente dhe të drejtë për pozitat brenda sistemit të drejtësisë, shkruan teve1.info
Tutje ai ka bërë thirrje instutucionëve të Kosovës që të ruajnë me vendosmëri parimet dhe standardet më të larta të sundimit të ligjit në zgjedhjen e vonuar të Kryeprokurorit të Shtetit.
“Duke marrë parasysh deklaratën e Presidentit për Kryeprokurorin e Shtetit, theksoj nevojën kritike për një proces përzgjedhjeje të bazuar në merita, transparente dhe të drejtë për pozitat brenda sistemit të drejtësisë. I bëj thirrje autoriteteve të #Kosovës që të ruajnë me vendosmëri parimet dhe standardet më të larta të sundimit të ligjit në zgjedhjen e vonuar të Kryeprokurorit të Shtetit.”, ka shkruar ai.
Osmani dje ka bërë të ditur se nuk do ta dekretojë Blerim Isufaj për Kryeprokuror të Shtetit.
Ajo ka thënë se në zgjedhjen e tij nuk janë respektuar procedurat kushtetuese dhe ligjore dhe se për këtë e ka njoftuar Këshillin Prokurorial të Kosovës.
“Bazuar në frymën dhe shkronjën e Kushtetutës tonë të argumentuar nga aktgjykimet e shumta të Gjykatës Kushtetuese, konsiderojë se nuk mund të kemi funksionim kushtetues të institucioneve nëse një proces nuk zhvillohet mbi respektimin e procedurave kushtetuese dhe ligjore. Sot e kam njoftuar KP lidhur më këtë vlerësim të procedurës, dhe me gjithë këto shkelje, Ligji më obligon për mosdekretim të Kryeprokurorit të Shtetit”, ka thënë Osmani në konferencën për media, përcjell teve1.info
Osmani theksoi se asnjë Gjykatë nuk i ka trajtuar ankesat nga aspekti përmbajtësor.
Sipas tha ajo, procesi i përzgjedhjes së kryeprokurorit është cilësuar si i parregullt e i kundërligjshëm nga të gjithë vëzhguesit e procesit, si nga organizatat vendore, ashtu edhe nga prej shumë partnerëve ndërkombëtarë.
Sipas Osmanit, disa nga shkeljet e konstatuara në procesin e përzgjedhjes së kandidatit për kryeprokuror janë “shmangia nga zbatimi i kritereve ligjore në përzgjedhjen e kryeprokurorit të Shtetit, mohimi i rëndësisë për mjet ankimor efektiv brenda KPK-së për kandidatët e pakënaqur përmes refuzimit arbitrar të raportit të Komisionit për rishqyrtim të kundërshtimit, shkelja në procedurat e vlerësimit të reputacionit profesional të kandidatëve”.
Pozita e kryeprokurorit është me ushtrues detyre që nga prilli i vitit të kaluar, ndonëse Blerim Isufaj ishte emri i zgjedhur nga KPK-ja./teve1.info
Osmani njofton se nuk do ta dekretojë Kryeprokurorin e Shtetit