Njohësi i çështjeve politike në Kosovë, Dritëro Arifi, tha se mosnjohja e Kosovës nga pesë vendet anëtare të Bashkimit Evropian, është tipike pro-ruse në Ballkanin Perëndimor, raporton teve1.info
Në emisionin debatues “Këndi i Debatit” në Tëvë1, Arifi tha se në arritjen e një marrëveshjeje në mes të Kosovës dhe Serbisë nuk është problemi vetëm tek ndërmjetësuesi Miroslav Lajçak, por sipas tij tek politika e BE-së.
“Nëse ne zotohemi që marrëveshjet do t’i zbatojmë, ato marrëveshje që jemi marrë vesh në Bruksel, atëherë besoj që edhe perëndimi mund ta gjejë një kompromis. Sepse sot po flitet që zoti Lajçak mund të shkoj në Sllovaki në një post ministror. Nuk e zgjidh problemin. Ai edhe mund të shkoj. Por problemi aty ka me mbet. Pra nuk është çështje e një personi, është çështje e një qëndrimi politik të pesë vendeve të BE-së. Sepse duhet atyre me ua bë të qartë, çdo vonim i këtyre vendeve është tipike politikë pro-ruse në Ballkanin Perëndimor. Kështu duhet me ua thënë”, u shpreh ai.