Krasniqi ka thënë se janë shumë krenarë me atë se çfarë kemi bërë për Kosovën, teksa ka përmendur edhe Hashim Thaçin e Kadri Veselin duke thënë se është krenar me ta, shkruan teve1.info
Sipas tij, historia e tyre është një tregim i madh për atdheun, nga lufta për liri e pavarësi deri te punët e mëdha.
“ Sot bëhen 23 vjet nga themelimi i Partisë Demokratike të Kosovës. Urime secilit anëtar e aktivist dhe faleminderit nga zemra për angazhimin e përbashkët përgjatë viteve në jetësimin e ëndrrave të Kosovës. Historia jonë është një tregim i madh për atdheun, nga lufta për liri e pavarësi e deri te punët e mëdha që i kemi bërë në çdo drejtim për ngritjen e mirëqenies së qytetarëve. Jemi shumë krenarë me atë çfarë kemi bërë për Kosovën dhe jemi shumë krenarë me liderët tanë historikë, Hashim Thaçin e Kadri Veselin”, ka shkruar Krasniqi.
Tutje i pari i PDK-së, tha se tani koha është për beteja të reja, për një Kosovë të re e për një të ardhme më të mirë.
“Ndjekja e ëndrrave për vendin tonë dhe mosdorëzimi para sfidave janë vetitë tona dalluese. Tani është koha për beteja të reja, për një Kosovë të re, për të ardhme më të mirë”, shkroi Krasniqi.
“ Ne jemi përherë gati!”, shtoi ai.
